Уште еден хуман гест стигна денес до нас од група луѓе познати како „промотори“ на Кратово. Неколкумина уметници и хуманисти изработија подароци за тимот кој ќе го оперира Давид Стојановски во Виена, како мала поддршка за успешна операција и заздравување на младиот кратовец.
Врвните македонски уметници Живко Поповски - Цветин и Стојанче Андонов - Дито насликаа прекрасни ликовни творби кои семејството на Давид ќе ги однесе лично на д-р Коц. Книги ќе подарат Васко Марковски и Моне од најмалиот етнолошки Музеј во Џепчиште, лековита глина „Сина ума“ подарува прилепчанецот Перо, а кратовецот Стевче Доневски ќе испрати промотивни туристички материјали за Кратово.
И секако, покана до доктор Коц на пролет да го посети Кратово и да го види на нозе својот пациент Давид.