Одличен деби-настап на голманот Мартин Богатинов во дресот на кипарскиот клуб Ермис Арадипу. На синоќешниот меч од третото квалификациско коло од Лига Европа, кипраните загубија во Берн од Јанг Бојс со 0-1, а најзаслужен за минималниот пораз е токму Богатинов. Кратовчанецот имал дури осум успешни одбрани и во неколку наврати одбранил тешки удари, оставајќи го својот тим со реални шанси за реваншот дома.
