Кој чека, ќе ги дочека своите пет минути. А кога на човек ќе му тргне, само небото е лимит. Вака некако бо можела да се опише приказната за напаѓачот на Силекс, Бобан Мариќ, кој денес ја продолжи гол-серијата. На дуелот во Пробиштип од фудбалската лига на Б-тимови меѓу Силекс и Вардар, кратовци ремизираа 1-1, иако имаа рано водство преку погодокот на Мариќ уште во 9-та минута. Гостите израмнија преку ерменецот Миранјан во 27-та минута, што беше и конечен резултат.
Ова беше петти погодок во серија на Мариќ, кој стрелаше прецизно против Тетекс, Пелистер, Вардар и Работнички и Шкендија, иако на некои од овие мечеви влегуваше од клупа.