Иако денес на стадионот во Пробиштип требаше да се одигра мечот меѓу Работник Џумајлија и Силекс, како дел од првата рунда на националниот КУп, пресметка меѓу овие два клуба нема да има. Домаќинот на оваа средба поради немање финансии, но и амбиции за настап во Купот, ја откажа средбата и Силекс со службена победа ќе го чека следниот противник.
Тренерот Зоран Стерјовски одлучи терминот да не го искористи за одигрување на некоја контролна средба, туку за двојна доза тренинзи, утрински индивидуален со помала бројка фудбалери и редовен попладневен. Целта е да не се преоптоварува физички тимот и свежи да го дочекаат тешкото гостување на Работнички, кое веројатно ќе се игра во вечерен термин и под рефлектори.