Стоперот Стојан Стојчевски би требало во следните денови да го комплетира трансферот во тимот од Кратово. Доскорашниот член на Тетекс е пред потпис на договорот со кратовци и би требало да биде достојна замена за Стефан Рудан, кој заедно со својот брат Момчило си заминаа.
Силекс почна да го прави ростерот на екипата за настапот во Лигата на Европа. Стојчевски е поранешен член на Вардар, потекнува од оваа фудбалска школа, а играше како позајмен во Хоризонт Турново, а ланската прва полусезона ја мина во Љубанци, и ја носеше капитенската лента. Потоа се пресели во Тетекс, и веројатно ќе биде ново име во Силекс.