Макаби Тел Авив не успеа да се извлече од тешката ситуација и нема да игра во Топ 16 фазата од Евролигата и покрај победата од 66-70 на гостувањето против Дарушафака во Групата Д.
За пласман во Топ 16 на Макаби му беше потребна победа од 11 разлика, затоа што толку загуби на првиот дуел во Тел Авив. Кога видоа дека не можат да надополнат 11 поени разлика, кошаркарите на Макаби намерно промашуваа слободни фрлања за да го однесат натпреварот во продолжение.
Но, промашуваа намерно и домашните кошаркари, затоа што никако не сакаа мечот да отиде во продолжение.
