Можеби носталгија е во прашање, можеби залезот на кариерата, но деновиве се вртат шпекулации дека екс-репрезентативецот Стевица Ристиќ (34) би можел да се врати во македонското првенство. Напаѓачот кој дојде како потполн анонимус од Србија, одигра импресивни три сезони во дресот на Силекс, а потоа направи завидна фудбалска кариера, играјќи за клубови од Јужна Кореја, Јапонија, Русија и Казахстан.
Неофицијално, Силекс е прва опција за ангажман на Ристиќ, но се споменува и Работнички како можна опција. Во моментов настапува за корејскиот клуб Јеонам, а летово се очекува да ја промени средината.