Остануваат уште 3-4 дена до некогаш големото фудбалско дерби, дуелот на трофејните македонски клубови Силекс и Вардар. Атмесферата се вжештува, домаќините најавуваат беспоштедна борба за бодови, свесни дека пред себе имаат екстраквалитетен противник. Од друга страна, тренерот на скопјани, Русинот Сергеј Андреев, и покрај одличната форма на своите пулени, излезе со изјава за медиумите со која како да подготвува алиби за евентуален кикс во Кратово.
-Тешко е да се каже за дуелот против Силекс бидејќи е прв меч, а од друга страна, сите натпревари што ги игравме во Турција ги игравме на добри терени, нешто што не очекувам дека ќе биде така тука во Македонија - истакна Андреев, стравувајќи од квалитетот на теренот во Кратово како можна пречка за освојување на трите бода.